Mica & Marian Twin Hearts (1)

Mag-ilis na unta si Mica sa dihang gipugngan siya ni Cristian. Gigakos niini ang iyang hubo nga lawas.

"Wala pa ka natagbaw gabii, babe?" Gigilokan siya sa usa ka kamot niini sa iyang dughan.

"Dili gyud ko matagbaw nimo, babe!" Mikatawa ang hinigugma.

"Ako sad dili gyud ko matagbaw nimo." Mingisi siya. Gisugat niya ang mga ngabil sa lalaki.

Mianam og ka-agresibo ang mga halok nila sa usag-usa. Ug wala na siya kabalibad pa sa sunod nga nahitabo.

"Ahhh!" Nanginit na og maayo ang ilang lawas.

Maoy paggawas ni Marian sa Ninoy Aquino International Airport. Walay bisan kinsa ang nakahibawo sa iyang pag-uli niadtong tungora. Kalit-kalit ang iyang desisyon nga mouli sa Pilipinas.

"After 7 years... Wooh!" Miginhawa siya'g lawom. Andam na niyang atubangon ang tanan sa iyang pagbalik karon.

Wala tuyoa nga nabuhian ni Mica ang baso nga iyang gikuptan. Kalit siya nga nakulbaan.

"Mare, okay ra ka?" Giduol siya ni Carmel, ang iyang Assistant sa botique ug long-time best-friend.

"Nagsakit lang ang akong ulo, mare. Ikaw usa ang bahala diri sa botique. Mouli usa ko, kinahanglan ko nga mopahuway." Gikuha niya ang iyang bag.

"Sige, mare. Ikatulog na. Amping sa pag-drive, ha." Gihatod siya sa gawas diin nahimutang ang iyang awto.

Usa siya ka fashion designer ug 4 years na niya nga gipadagan ang iyang shop. Ug sa paglabay sa panahon, mas nahimong ilado ang iyang mga designs. Nakatukod pod siya og branches sa mga mall sa ilang lugar.

"Unsay nahitabo nimo, Mica? Nganong kalit ra ka nga nakulbaan?" Dili siya maka-focus sa iyang pag-drive. Kalit nga mitingog ang iyang cellphone.

"Ha? Okay, I'm coming." Gipalong niya ang iyang cellphone. Gipakusgan niya ang iyang pagpagdagan sa awto.

Maoy pagsulod niya sa ilang balay sa dihang gisugat siya ni Marian, ang iyang kaluha nga wala magpakita kaniya sulod sa pito ka tuig.

"Nganong wala man lang ka motawag nga mouli ka." Gigakos siya ug mihalok pa sa iyang aping ang igsuon.

"Surprise!" Mikatawa kini.

"Babe, sorry karon ra ko naabot..."

"Cristian?"

Gilingi niya si Cristian ug Marian. Nagtinutokay og maayo ang duha. Nabalaka siya para sa iyang kaugalingon. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.