Namugnaw ang iyang mga kamot pagkakita niya sa lalaki nga mikanaog sa awto. Dali niya gibira si Angelo.
"Kalma lang, Angelo. Si Renz ang daddy ni baby Karen ang lalaki sa atbang. Mamalik ta sa sulod. Pagdali!" Gihunghungan niya kini.
"Relax, Glai." Giagbayan siya sa hinigugma.
Miginhawa og lawom si Glaiza pagsulod na nila og balik sa balay. Walay kabutangan ang iyang kakuyaw ganiha pagkakita niya kang Renz. Nagtuo siya nga masakpan na sila sa bana sa iyang namatay nga maguwang.
"Dili na lang ko modayon og duty karon, Glai. Bantayan ta mo diri."
"Naapa ang iyang awto sa gawas. Kinsa ka ha ang giari ni Renz? Basin nakit-an na ta diri." Na-rattle siya. Nagsige siya'g lili sa gawas.
"Basin naa ra na siyay kaila diri. Imposible nga makit-an mo diri kay sukad nga naabot mo, wala na kay gawas-gawas."
"Nagsige siguro na og pangutana sa mga tawo diri. Angelo, kahibawo ko kung unsa ka datu ang pamilya nila ni Renz. Buhaton nila ang tanan para lang makit-an ko." Nagsige siya'g inom og tubig. Kalit nga mihilak si baby Karen.
Nagdagan siya nga misaka sa taas. Nabalaka siya basin madunggan ni Renz ang paghilak ni sa anak niini.
"Baby, hilom na, please." Gisayaw-sayaw niya ang bata, pero wala gyud kini mihilom. Mihilak pa kini og maayo.
"Angelo, lilia kung naapa ba sa gawas ang sakyanan ni Renz."
"Naa pa."
"Init kaayo si baby Karen, Angelo." Nalisang na siya. Gihilantan ang bata.
"Magkuha ko og alcohol ug tubig. Wait!"
"Pagdali!"
Gipaandar ni Renz ang iyang awto ug mibiya sa dapit. Gipangita niya ang iyang police agent nga amigo sa una pero wala na diay kini magpuyo sa maong lugar.
"Kahibawo ko nga makit-an ra ka nako, Glaiza." Gisul-ob niya ang iyang shades. Nahibu’ong siya kay gisugat siya og mga pahiyom sa iyang inahan pag-abot niya sa ilang balay.
"Naa tay bisita, Renz. Guess who?" Mikatawa kini.
"Hi, Renz!"
"Olive?" Misugat sa iyang panan-aw ang sexy nga ex-girlfriend.
"I'm back, Renz. I'll stay here for good na." Mihalok kini kaniya.
"Nganong nausab man ang imong hunahuna. Di ba, matud pa nimo sa una nga ang America na ang imong kinabuhi?" Seryoso niya kini nga giatubang.
"Dili ko happy didto."
"Matulog usa ko, Mommy. Gikapoy ko. Excuse me, Olive." Gipakita niya sa kanhi hinigugma nga nawad-an na siya og gana niini.
"I'll win you back, lover boy." Mikidhat kini kaniya.
Nakamata si Renz pagkamatngon niya nga naay nagsige og halok sa iyang dughan. Gipaak-paak pa ang iyang liog.
"Olive!" Mitungtong na kini kaniya.
"Let me handle this." Gihagkan siya niini.
Wala siya makalihok. Dugay na usab siya nga gimingaw sa lawasnong kalipay sukad nga nawala si Kristine sa iyang kinabuhi. (Sumpayan pa)
Read the latest chapter of Cebuano literotica on Sweet Sensation Rock Bottom Style at Y101 Always First.
Newer news items:
Older news items:
|
