Hans: The Ex-Groom (2)

Walay adlaw nga dili siya mag-inom. Gilunod niya ang iyang kaugalingon sa mga ilimnong makahubog aron dili niya matagamtaman ang sakit sa pagbiya ni Kristal kaniya.

Namatay si Kristal sa disperas sa ilang kasal. Gikuha kini sa mga amiga sa dalaga alang sa usa ka sorpresa nga party. Kung wala lang unta niya biyai ang hinigugma sa maong higayon, dili unta kini modayon og kuyog sa mga higala niini. Nadasmag ang taxi nga gisakyan niini kuyog ang mga amiga sa dalaga. Ug walay usa nga nabuhi.

"Kuya, stop it. Ayaw sirad-i ang imong kinabuhi sa pagkawagtang ni Ate Kristal." Gikuha ni Ella ang botelya sa beer nga iyang gikuptan. Wala gyud niya kini buhii.

"Ella, dugay na nga gisirad-an nako ang akong kinabuhi. Wala nay silbi ang tanan, karon nga wala na si Kristal." Gipadayon niya ang pag-inom sa beer.

"Kuya, please. Ayaw himoag makaluluoy ang imong kaugalingon. Kahibawo ko nga wala magmalipayon si Ate Kristal karon nga nakita niya ang gibuhat nimo sa imong kaugalingon. Kalimti na si Ate, Kuya. Let go and move on." Gigakos siya niini. Bisan unsa pa ang iyang buhaton, dili gyud niya makalimtan ang namatay nga hinigugma. 

Nagpakuyog si Therese sa iyang best-friend sa mall. Boring kaayo sa ilang balay kay milarga sa gawas sa nasod ang iyang parents alang sa usa ka business seminar. Ug siya ra ug ang ilang mga katabang ang nahabilin sa balay.

"Babe, wala na gyud kay laing buhat sa imong kinabuhi kundi shopping diri, shopping didto." Nagkatawa nga miatubang kaniya si Denise, ang nag-inusara niya nga best-friend. Babe ang ilang friendship endearment.

"Wala na koy mahimo pa, babe. Ako ra ang usa nga anak, unya ang akong parents panagsa ra nako nga makita." Mipahiyom na lang siya niini.

"I understand, babe. What if dawaton na lang nimo ang pakigminyo ni Josh nimo?"

"My God, babe wala pa na sa akong hunahuna. Marriage could kill. Kahibawo ka kung unsa nga kinabuhi ang naa nako karon. Bars and drinks, mao kini ang hinungdan nga nabuhi ko. Mabuhat pa kaha nako ang akong mga night life kung magminyo nako?" Naglingo-lingo na lang siya. Gihunahuna pa lang niya ang mga ngabil ug hikap ni Josh, giluod na siya.

Kalit nga misulod sa iyang hunahuna ang nahitabo last month sa sulod sa awto ni Josh. Hapit niini angkona ang iyang lawas. Nakainom siya niadtong higayona, mao nga hapit siya mawad-i og kontrol sa iyang kaugalingon. Maygani wala gyud niya mahatag ang iyang lawas sa lalaki.

"Babe, you're not a teenager anymore. 25 years old naka, pwede na ka magminyo. Diba, nice kaayo ang feeling kung naana kay pamilya." Gikablit siya sa higala.

"But not now, babe. Dili pa ko ready nga momabdos. Dili pa ko ready nga naay anak. Dili gud ta maghisgot bahin ani." Gibira niya ang higala. Gusto lang niya nga mawala sila sa topic. Allergy siya basta marriage na ang hisgutan.

Padung na silag gawas sa mall sa dihang kalit nga may mibangga kaniya. Nabuhian niya ang mga plastic bags nga iyang gibitbit. Isog kaayo niya nga giatubang ang maong tawo.

"Mister, wala ba kay mata? Kadako sa space sa agianan diri, sa ako gyud ka mibangga, ha?!" Gipagawas niya ang kalagot nga nagpundo sa iyang dughan.

"Kristal?" Mitaas ang iyang kilay sa pagtawag kaniya sa lalaki sa maong ngalan. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.