Can't Take My Eyes Off Of You (5)

Midapat og maayo ang iyang mga kuko sa buko-buko ni Sam. Mibalos siya sa kaagresibo sa gibuhat nga pag-romansa niini kaniya.

"Ahhh... Sam!" Milit-ad siya.

Dugay siya nagpangita og lawasnong kalipay ug gusto niya nga tagbawon ang kaugalingon.

"Bea!" Gipaak ni Sam ang iyang liog.

"Sam... please!" Gusto na niya ihatag og hingpit ang iyang kaugalingon.

"We will get there!" Mingisi kini.

Mihalok kini'g maayo kaniya una siya giangkon ni Sam.

"Ohhh..." Gipiyong niya ang iyang mga mata ug gitagamtam ang kalalim sa lawasnong kalipay.

Nakamata si Bea nga naghigda sa may dughan ni Sam.

"Unsa nang orasa?" Nabantayan niya nga hubo silang duha sa ilawom sa habol.

"Alas tres pa sa kadlawon. Katulog usa." Gigakos siya sa lalaki.

"Sam, kahibawo ko nga sala ang atong gibuhat. Dili nani mausab pa!" Gipunit niya ang iyang mga sinena nga nahulog sa salog ug gisul-ob.

"I like you, Bea. Sa una pa lang nga gipaila-ila ka ni Simone sa ako. Ug hangtod karon, dili ka mawala sa akong hunahuna." Gihagkan niini ang iyang usa ka palad.

"Pero dili ni sakto, Sam. Kaluha nimo ang akong bana. Unsa na lay ikasulti sa atong mga ginikanan ug kaliwat?" Dili man niya angkunon sa iyang kaugalingon, na-attract usab siya kang Sam. Migawas siya sa lawak.

Wala giablihan ni Bea ang pagsige'g tuktok ni Sam sa gawas sa pultahan. Nagkugos siya kang baby William pagkabati niya sa awto niini nga miandar.

"I'm so sorry, Simone." Naghilak siya nga gitutokan ang ilang wedding picture sa side table.

Nibalik na sa iyang trabaho si Bea kay nakakita na siya'g maid nga mobantay sa iyang anak.

"Karon nga biyuda na ka, Bea. Pwede nako manguyab nimo'g balik?" Mikidhat kaniya si Karlo, ang iyang kauban sa opisina.

"Sus, Karlo, sa una pa ka wala lingia ni Bea. Samot na ron, no!" Mikatawa si Sabsy, close friend niya sa opisina.

"Paghilom mong duha, ha!" Nakakatawa na lang sad siya'g apil.

Maoy paggawas niya sa building sa ilang opisina sa pagbunok sa kusog kaayo nga uwan. Gikuha dayon niya ang payong sa iyang bag.

"Taxi!" Gipara niya ang taxi nga nagpadung pero naana kini sakay daan.

Usa na ka oras siya nga nagbarog ug nag-atang og sakyanan. Wala madugay, usa ka honda civic nga puti ang mihunong sa iyang tungod. Mikanaog gikan sa awto si Sam.

"Dali na! Gikan  ko sa inyo, matod sa imong katabang wala pa ka maabot, mao nga nagdali-dali ko miari." Gikuha niini ang iyang bag.

"Samalat." Misakay na siya sa awto niini. Nakita pa niya nga nabasa kini.

Maoy pag-abot nila sa balay gibira dayon niya si Sam paingon sa iyang kwarto. Nagkuha siya'g t-shirt sa closet.

"Pag-ilis kay nabasa ka." Gihuboan niya kini.

Kalit nga gigunitan ni Sam ang iyang usa ka kamot. Mihangad siya.

"I love you, Bea." Gihikap niini ang iyang nawong. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.