Can't Take My Eyes Off Of You (1)

Ganiha ra nga nag-labor si Bea sa ilang first baby ni Simone. Nagpangumot siya sa unlan nga iyang gigakos. Dili siya mahimutang sa sulod sa hospital room.

"Ma, gusto nako moutong, please!" Nagsige'g trapo sa iyang agtang ang iyang inahan.

Walay kabutangan ang kasakit nga iyang nahiaguman niadtong tungora. Mitingog ang iyang cellphone sa bag.

"Ma, palihug ko'g tubag ni Simone..." Gipakuha niya sa inahan ang iyang cellphone sa bag.

"Gusto makig-estorya si Simone nimo." Gihatag sa iya ang cellphone.

"Hon, I'm sorry wala ko dinha karon. Wala ka nako maubani." Nabatian niya ang kagul-anan sa tingog sa bana.

"I'm fine, hon. I know safe ra nako nga ma-deliver si baby." Kahilakon na siya. Gimingaw siya'g maayo niini.

"I love you so much. Si Sam ang imong doctor. Kahibawo ko nga normal delivery ra ang tanan. Mag-ampo ta, hon."

"I love you, too. Sige na, hon. Gitawag na ko sa nurse. Gusto nako moutong." Giputol na niya ang tawag.

Usa ka seaman ang iyang bana ug uyab pa lang sila nadawat na niya ang trabaho niini. Naanad na siya nga pirme kini nga wala sa iyang kiliran. Pero naay mga panahon nga gusto niya kini nga makauban pirme parehas karon.

"Ayaw na og kaguol. Dili na makaayo sa bata." Gigakos siya sa iyang mama.

Nagtinutokay sila ni Sam. Miduko siya. Kung dili pa tungod ni Simone, dili siya mosugot nga mao kini ang mopaanak kaniya. Mauwaw siya sa kaluha sa bana.

"Wala nay uwaw-uwaw, Bea. Utong na!" Gi-ready na siya sa doctor.

Usa ka healthy baby boy ang ilang anak ni Simone. Wala niya kapugngi ang pagtulo sa iyang mga luha sa dihang gipahigda na sa iyang dughan ang baby.

"My prince." Mipahiyom siya. Gilingi niya si Sam nga nagbarog sa iyang kilid. Mikatawa kini kaniya.

2 months after...

Gitutokan niya si baby William samtang natulog kini sa kuna. Nahinumduman niya ang iyang bana. Gimingaw na siya'g maayo.

"I miss you, hon." Wala niya gibuwag ang iyang mga mata sa dako nga picture ni Sam sa wall. Wala tuyoa nga nabuhian niya ang baso nga gigunitan.

"Unsay nahitabo?" Dali kaayo nakasulod sa iyang kwarto ang iyang mama.

"Gabii pa ko nakulbaan, ma. Sukad nga nanganak ko, wala na motawag pa'g usab si Simone." Nagbutok-butok og maayo ang iyang dughan.

"Basin walay signal o wala pa sila maabot sa port. Dili na ka mahibong ana, Bea." Gitutokan siya sa iyang inahan. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.