Michelle: Seasoned Seductress (4)

Mao kadto ang sinugdanan sa ilang relasyon ni Dave. Gidawat niya ang gugma sa ulitawo tungod kay nahigugma siya niini. Ug gisaad niya sa iyang kaugalingon

nga mao na kini ang lalaki nga iyang higugmaon hangtodsa hangtod.

"Maa'm nganong ganahan naman ka makakat-on ogluto? Diba, mao man gyud ni ang imong pinaka-hate?"Nahibung nga mitutok kaniya ang ilang katabang.

"Gusto lang nako nga makahibawo kog luto, yaya." Mipahiyom siya.

"Hmm...kinsa man kuno ang imong lutoan?" Gigitik siya niini.

"Yaya...hehehe." Mihagikhik siyag katawa.

Wala kapugngi nga mipahiyom sa hilom si Michelle. Naghigda na siya sa iyang kama. Karon pa siya kasuway nga nagmalipayon siya sa usa ka relasyon.

Buotan kaayo nga pagkauyab si Dave ug sweet kaayo kini kaniya. Gibalik-balik niyag tan-aw ang iyang cellphone. Nahibung siya nga wala pa gyud motawag o mo-text man lang si Dave. Gikontak niya ang numberniini apan unattended kini.

"Basin, low-bat." Matod niya sa iyang kaugalingon. Mi-text na lang siya niini.

"Pare, dili nako mopadayon pa sa atong sabot. Dili ko gusto nga masakitan si Michelle." Nagbasol siya saiyang kaugalingon sa ilang pustaanay. Nasayop siya sa iyang pagtoo nga playgirl si Michelle. Simple ra diay kini nga pagkababaye ug buotan kaayo. Walay arte bisan kahibawo siya kung unsa kini kadato.

"What? Dave, diba mao na ang atong tuyo nga mapasakitan nato si Michelle. Kahibawo ka kung unsa siya nga klase nga pagkababaye."

"Mao gani nga nakonsensiya ko. Nasayop ta sa tanan natong pagtoo bahin niya, pare. Michelle is not a playgirl."

"Basin na-inlove na hinuon ka niya, Dave?" Wala niya tubaga ang pangutana niini. Milakaw na lang siya.

Gidala niya si Michelle sa paborito niini nga restaurant. Mitutok siya sa dalaga samtang nagkaon kini. Wala siya magdahom nga mahigugma siya niini. Layo ra kaayo kini sa kinaiya ni Cheska.

"Hon, is there something wrong?" Mitutok kaniya ang hinigugma.

"I love you so much, hon… don’t forget that." Gikuha niya ang mga kamot niini ug gihagkan.

"And I love you, too." Mihalok pa kini sa iyang aping. Mao kini ang iyang nagustuhan sa hinigugma. Sweet kaayo kini kaniya.

Manan-aw unta sila og salida sa sine apan mas gusto ni Michelle nga sa DVD na lang ilang tan-awon. Mao nga gidala na lang niya ang dalaga sa apartment nga iyang gipuy-an.

"Hon, magpakasal na ta." Gigakos niyag hugot ang dalaga. Nahadlok siya nga mawala pa kini kaniya. Dili na gyud siya mopadayon pa sa ilang pustaanay. Bahala na kung masuko kaniya ang iyang mga barkada.

"Humanon sa nato ang atong pag-eskuyla ka. Graduating na bitaw ka, ako kay 2nd year na pud ko. Hapit na."

"I love you." Gihagkan niya kini. Wala siya kapugong sa iyang kaugalingon sa dihang mibalos sa iyang mga halok si Michelle.

"I love you, hon." Ang dalaga na mismo ang miuna og halok kaniya.

"I want you." Nadala na gyud siya sa iyang gibati. Bisan asa na lang naabot ang iyang mga kamot nga nagpanghikap sa pribadong lawas sa hinigugma. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.