Alliance of the Heart (7)

(Katapusang Gula)

Midagan siya og maayo. Gusto niya nga mahilayo sa maong dapit. Pero pirme magbalik-balik sa iyang hunahuna ang mga eksena nga iyang nasaksihan. Wala siya gihigugma ni Aron.

"Nganong imo ning gibuhat nako, Aron?" Miyaka siya sa gawas sa iyang awto. Mihilak siya ug mihilak.

Gikuha ni Aron ang mga kamot ni Michelle sa iyang hawak. Dili na siya gusto nga makasala pa kang Donna. Dili na niya pasakitan pa ang dalaga.

"I'm sorry, Michelle pero wala ko mahigugma nimo. Kahibawo na ka nga kung kinsa gyud ang tinuod nga akong gihigugma. Siya ang hinungdan nganong mibalik ko diri. " Gitutokan niya kini. Dili na siya gusto nga maglaom pa ang babaye.

"Sorry? Mao ra na ang imong isulti? Miapas ko nimo diri kay dili ko gusto nga magbuwag ta. Please come back to me, Aron."

"I love her so much, Michelle. She's my life." Seryoso niya kini nga gitutokan una siya migawas sa pad ug milakaw.

Gipahid niya ang mga luha sa iyang aping ug mibarog. Kinahanglan siya mahimong isog para sa iyang anak.

"Oh my God! No!" Nangurog siya pagkakita niya sa daghang dugo nga milatay sa iyang paa.

Nahunong si Aron pagkakita niya sa awto ni Donna nga nag-parking sa gawas.

"Donna?" Nahadlok siya basin nakit-an niini ang gibuhat kaniya ni Michelle.

"Aron..."

"Donna!" Misugat sa iyang panan-aw ang dalaga nga luspad na kaayo ug nagkadugo ang paa. Gialsa niya kini ug gidala sa iyang sakyanan.

Gipabulhot niyag maayo ang awto ug gidala sa pinakaduol nga hospital.

"Aron, please, save our baby." Naghilak kini nga migunit og maayo sa iyang mga kamot.

Gisugat sila og duha ka mga doctors ug mga nurses pag-abot nila sa maong hospital. Maygani kaila niya ang mga doctors didto.

"Doc, I need your help." Giduol niya si Doctor dela Cruz, classmate niya kini kaniadto sa elementarya.

"We will help you." Mipahiyom kini ug gihapak pa ang iyang abaga.

Misulod siya sa emergency room. Nagpasalamat siya nga na-save ang ilang umaabot nga anak. Dili niya mapasaylo ang iyang kaugalingon kung naay daotan nga nahitabo kang Donna.

"I love you so much, baby. Thank you for the wonderful gift." Gihagkan niya si Donna nga unconsious pa.

After 2 years...

Wala na siya kabalibad sa dihang gidala siya sa pinaka-favatorite nila nga kwarto sa maong beach house diin ang maong lawak ang saksi sa ilang panaghigugmaay. Nagpasalamat siya nga buotan si Larry ug dali ra nadawat niini nga dili sila para sa usag-usa.

"Pwede na?" Mikidhat kini kaniya.

"Dili pa, diba, unya na kung 5 years old na si Princess?" Gisugsog niya kini.

"I can't wait. I want you now." Mihalok na kini kaniya.

"Take me now, husband." Mikatawa siya ug gibira si Aron sa kama.

Read the latest chapter of Cebuano literotica on Sweet Sensation Rock Bottom Style at Y101 FM, Always First.