H & H Heart Mate (3)

Nakamata si Heart sa pagpukaw ni Hanz. Karon ra siya kabantay nga nakatulog diay sila tungod sa kakapoy sa ilang gibuhat ganiha.

"Why?" Mibangon siya.

"Nag-text si Fiona. Padung na siya diri sa pad." Gitutokan siya ni Hanz.

"What?!" Misiga ang iyang mga mata.

Nagdali-dali siya nga gisul-ob ang iyang mga sinena og balik. Gipunit niya ang iyang bag sa ubos sa kama ug migawas sa kwarto.

"I need to go!" Gibitbit na nalang niya ang iyang heels. Mihalok siya niini.

Padung na unta siya sa may gate sa dihang usa ka taxi ang mihunong. Mikanaog si Fiona. Mitago siya sa may luyong bahin sa pad, sa luyo sa may bintana.

"Honey!" Tingog ni Fiona ang iyang nabatian.

Nakita pa niya nga gisugat kini'g gakos ug mga halok ni Hanz. Milingi sa iyang dapit ang lalaki. Dali siya nga milingiw.

"Kung moari gani ka sunod, pagsulti daan." Milingkod sa sofa si Hanz.

Nagpasabak niini si Fiona.

"Gusto lang ka nako nga i-surprise." Nagsige kini'g halok kang Hanz.

"Fiona..." Mibarog kini.

"Please?" Gihubo sa babaye ang t-shirt nga gisul-ob ni Hanz.

Gusto na siya nga mogawas sa iyang gitagoan ug modagan paingon sa gate pero kahibawo siya nga makit-an siya ni Fiona kung buhaton ni niya. Wala niini sirad-e ang front door. Makit-an gyod kung naay mogawas.

"Fiona!" Gibuhat ni Hanz ang tanan para likayan ang gusto nga mahitabo niini.

Pero nakita niya ang ka-agresibo sa gibuhat ni Fiona. Ready na kini nga makig-sex kang Hanz. Gipaningot siya sa iyang nakita.

"Touch me honey, please." Wala kini magduha-duha nga naghubo sa atubangan ni Hanz.

"Adto ta sa kwarto." Nabatian niya nga miingon si Hanz.

"Gusto ko diri. Sige lang ta'g adto sa imong kwarto."

Mitalikod siya pagkabati niya sa mga hangos ni Fiona. Nasakitan siya.

"Dili ko angay nga maka-feel ani." Asoy niya sa hilom.

Misugot si Heart sa dugay na nga gihangyo ni Mimi nga ipaila-ila siya niini sa bag-o lang nga naabot nga ig-agaw sa higala.

 Usa ka seaman ang cousin sa dalaga.

"Asa na?" Mikatawa na lang siya.

"Kadalian sad nimo, oy. Oh, he's here na." Milingi kini sa may entrance sa restaurant. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.