Dana: Re-Awaken Me (1)

Wala kapugngi ni Dana ang pagsige'g agas sa iyang mga luha. Gigakos niya ang picture frame nila ni Virgil.

"Hon, please ayaw ko'g biyai." Asoy niya sa iyang hunahuna.

Two weeks na nga na-comatose ang iyang bana. Ug hapit na siya mawad-i og paglaom kay kahibawo siya nga lisod na ang kahimtang ni Virgil.

"Dana, dili ka mokuyog nako sa hospital?" Misulod sa iyang kwarto ang mommy ni Virgil.

"Ugma na lang siguro ko moadto, Ma." Gipahiran niya ang iyang aping.

"Kahibawo ko nga nag-antos ka karon tungod sa kahimtang ni Virgil. Pero ayaw kawala sa paglaom, Dana." Gigakos siya niini.

"Wala nako kahibawo sa akong buhaton, Ma. Naluoy ko ni Virgil." Mihilak siya ug mihilak.

Two weeks after sa ilang kasal, nadisgrasya ang awto nga gi-drive sa iyang bana. Nakainom kini niadtong tungora. Wala niini mabantayi ang van nga kasugat nga maoy hinungdan nga nagbangga ang duha ka mga sakyanan.

"Maka-recover ra lagi si Virgil." Giam-aman siya sa inahan ni Virgil.

Puno sa kainit nga gisugat niya ang mga ngabil sa iyang bana. Wala siya makabalibad niini sa dihang gipahigda na siya sa kama. Mao usab kini ang iyang gusto, ang makauban si Virgil sa maong gabii.

"I love you so much, hon." Mipaubos ang mga halok niini sa iyang may dughan.

Mihunong kini ug gitutokan siya. Gipuno niini'g halok ang iyang nawong.

"Hon, I love you more." Gihubo niya ang t-shirt nga gisul-ob niini.

Mihangos siya pagkabantay niya sa mga kamot ni Virgil sa iyang pribado nga lawas. Nanginit na siya.

"Dili ka nako biyaan." Mipaibabaw na kini kaniya.

"Ahhh..." Nanggunit siya sa usa ka bukton niini.

Nagdungan sila'g sangko sa kalipay. Daw napuga siya'g maayo sa ilang romansahay.

"Thank you so much, hon." Gigakos siya'g hugot sa bana.

Naghangos nga gibuka ni Dana ang iyang mga mata. Gipangita niya sa palibot si Virgil. Nagdamgo siya sa bana.

"I miss him so much." Naghuot og maayo ang iyang dughan.

"Dana!" Nanuktok sa pultahan ang inahan ni Virgil.

Giablihan niya ang pultahan. Misugat sa iyang panan-aw ang naghilak nga nawong niini. Nakulbaan siya. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.