Breaking Free (6)

"Let's go home!" Gibira siya sa iyang kuya.

"No!" Giwakli niya kini.

Gisirad-an niya ang pultahan. Dili siya gusto nga naay makabati sa ilang conversation sa iyang daddy ug kuya. Dili siya gusto nga makahibawo si George.

"Sam, what's wrong? Nganong kalit lang ka nga milayas sa ato?" Nakalma ang tingog sa iyang amahan.

"What's wrong, dad? Kahibawo ka kung unsa ang mga sayop. Ug ikaw Kuya, kamong tanan, kaugalingon ra ninyo ang inyong gitan-aw." Gipugngan niya ang iyang kaugalingon nga dili mohilak.

"Lower your voice, Margarita!" Gisigahan siya sa mga mata sa iyang maguwang.

"Mamatay usa ko una ko mokuyog sa inyo." Dili na siya mahadlok karon.

"Gahi kaayo ka'g ulo, Sam. Kung unsa ang imong gusto, mao gyod ang matuman." Namuwa na ang iyang amahan.

"Dili na nako maantos ang tanan sa inyong kiliran, dad. Sukad pagkabata hangtod karon, gihigtan ko ninyo og pisi. Kinahanglan kung unsa ang inyong gusto, mao gyuy matuman."

"Mokuyog ka namo!" Gibira siya sa iyang kuya.

"Kuya, buhii ko!" Milugnot siya.

"Kung wala pa namo masundi si Nea, dili namo mahibaw-an nga naa ka diri." Migunit sa iyang usa ka bukton ang iyang daddy.

"Dad!" Mihilak na siya.

Maoy paggawas nila sa dihang migawas usab si George sa unit niini. Nagtinutokay sila sa lalaki. Mitan-aw kini sa iyang daddy ug maguwang.

"Sam, asa ka nila dad-on? Kinsa na sila?" Giduol siya sa ulitawo. Nakita niya ang kabalaka sa mga mata niini.

"Ako ang daddy ni Sam." Isog niini nga gitutokan si George.

"Ako ang kuya ni Sam." Matod sa iyang maguwang.

"Sam, unsay buot ipasabot ani?"

"I'm sorry, George." Naghilak siya nga migunit sa usa ka kamot niini.

"Naghuwat na si Rafael sa imo sa hacienda." Gibira siya sa iyang daddy.

Isog niya nga giatubang si Rafael. Maglagot siya nga magtan-aw sa manyakis nga mga mata niini. Kaduha na niya kini nasakpi kaniadto nga manglili sa iyang kwarto samtang mag-ilis siya.

"Nibalik ra gyud ka nako, Margarita. Gusto ko magpakasal na ta." Mitutok kini sa iyang dughan.

"Sila si daddy ug kuya ra ang motawag nako'g Margarita!" Gi-snaban niya kini.

"Gimingaw nako nimo, honey." Mipailawom ang usa ka kamot niini sa iyang blouse.

"Oh!" Nakalitan siya sa gibuhat sa lalaki. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.