Ondrea: Awaken, My Love (2)

Wala gibuwag ni Ondrea ang iyang mga mata kang Ralph. Atbang niya kini sa lamesa. Anniversary sa ilang mommy ug daddy ni Kyla mao nga nag-family dinner sila.

"Gwapo gyud kaayo, oy." Mingisi siya sa hilom. Nadani siya'g maayo sa dimples ni Ralph.

"Love, unsa imong gusto? Orange juice?" Gilingi niya si Kyla nga gipahiran pa sa nawong ang bana.

"Please." Mipahiyom kini.

Gitawag dayon ni Kyla ang usa sa ilang maid ug nagpakuha'g orange juice. Milingi kaniya si Ralph. Gikidhatan niya kini. Gisaghid niya ang iyang usa ka tiil sa tiil sa lalaki sa ilawom sa lamesa.

"Dili gyud ka makabalibad nako."

"Hon, kagamay ra man sa imong gikaon."

"Ha? Busog pa man gud ko, hon. Mokaon lang ko'g balik unya." Mipahiyom siya kang Paolo nga naglingkod sa iyang kilid.

Dili niya type ang physical appearance ni Paolo. Gwapo kini pero puti nga lalaki. Hinhin pod.

"Si Ralph ang akong type. Tall, dark, and handsome." Mipaubos ang iyang mga mata sa may dughan sa lalaki. Misulod sa iyang hunahuna ang ilang mga romansa sa lalaki.

Nag-inom silang upat sa sala. Gisabak siya ni Paolo. Mitutok kaniya si Ralph. Kahibawo siya nga nagselos ang lalaki. Pero dili niya mapugngan ang pagka-sweet sa hinigugma.

"Sa Sunday na ang inyong kasal sa huwis ni Paolo, Ondrea. Ma-wife na sad ka." Matod ni Kyla.

"Dili na gani ko kahuwat." Gihagkan siya ni Paolo.

"Hon!" Mipalayo siya sa lalaki.

"You're so lucky, Paolo." Mitan-aw kaniya si Ralph.

"I am." Gigakos siya sa hinigugma.

"Ikaw sad, Kyla. Swerte kaayo ka ni Ralph. Excuse me, mag-CR sa ko."

Misulod sa iyang kwarto si Ondrea. Nalipong na siya sa ilang giinom. Wala siya kabantay nga misunod diay kaniya si Ralph.

"Ralph, gawas diri basin naay makakita nato." Gisirad-an niya ang pultahan.

"I can't stop myself.." Mihalok kini'g maayo kaniya.

Mibalos usab siya sa ka-hot sa mga halok ni Ralph. Wala siya kabalibad sa gusto niini. Paspas kaayo ang mga kamot niini nga nakahubo kaniya.

"Ohhh..." Mihangos siya. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.