Untamed Desire (6)

Naigo sa agtang si Carl sa iyang gilabay nga cellphone niini. Nahibong kini sa iyang gibuhat. Nagtinutokay sila sa lalaki.

"Hey, what's your problem?"

"Maayo, Carl. Pagkahuman nimo'g gamit sa usa ka babaye, ako na sad ang imong gisunod!" Gitamparos niya ang polo sa nawong niini.

"Belle, what are you talking about?" Nabantayan niya nga hapit na kini masuko.

"Tan-awa ang lakra sa lipstick sa imong polo!" Naglagot na siya'g maayo.

"Ah, you're jealous!" Mipahiyom kini.

"Tse! Ayaw ko kataw-i. Grabe, wala man lang ka matagbaw nako." Kahilakon siya. Nasakitan siya nga naghunahuna nga naa kini laing babaye nga ka-sex.

"Dili ka gusto nga magkauyab ta, pero grabe pa sa uyabka makada og react." Mingisi kini.

"Shut up!" Mihilak siya.

Nahunong si Carl pagkakita niya nga mihilak si Belle. Mora kini'g bata nga gisugsog. Miduol siya sa dalaga ug gigakos kini.

"I love you, my Belle." Gipuno niya'g halok ang nawong niini.

Mihangad si Belle. Siya na ang una nga mihalok sa mga ngabil ni Carl. Gipadugay niya ang iyang mga halok.

"I want you." Gipaak-paak niya'g hinay ang usa ka dunggan niini.

Gikugos siya ni Carl ug misaka sila sa taas paingon sa iyang kwarto. Ug sa didto wala nila lung-i ang kainit sa ilang mga lawas.

"Oh, Carl!" Milit-ad siya sa kagilok.

Gikapoy sila'g maayo sa ilang gibuhat. Naggakos sila pagkahuman. Gipiyong niya ang iyang mga mata ug natulog.

"Carl, Belle!"

Misiga ang iyang mga mata pagkakita niya sa iyang mommy ug daddy sa sulod sa iyang kwarto. Naglingkod sa iyang kilid si Carl. Mitan-aw siya sa ulitawo.

"Unsay buot ipasabot ani, Maribelle?" Pinabundak ang tingog sa iyang inahan. Suko kaayo ang nawong niini.

"Carl..." Gigunitan niya ang usa ka kamot sa lalaki.

"I love her so much." Miduko si Carl.

"Usa ka dakong uwaw ang inyong gibuhat!" Gisinghagan sila sa iyang step-dad. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.