His Sugar Baby (5)

Buntag na sila nakagawas ni Matt sa motel. Daw hapit dili na kini mopahuway og pagsige'g angkon sa iyang lawas.

"Dili usa ta magkita ugma. Lab-angan nato ang atong panagkita kay mora'g nagduda na si Gary." Miparayeg siya sa uyab pagsulod niya sa awto niini.

"Okay. Pero sa Saturday magkita gyud ta, ha?" Mihalok kini kaniya.

Gigunitan niya ang paa niini ug gipislit.

"O, basin makalimot ko nga naa ta sa sulod sa akong sakyanan." Mikatawa kini.

Dili unta modayon og sulod si Cara sa ilang balay pagkakita niya kang Gary nga nagkupot of beer. Karon lang niya kini nakit-an nga miinom.

"Cara!" Gitawag siya sa lalaki.

"Gary..." Miduol siya sa hinigugma ug hagkan unta niya kini pero milikay si Gary.

"Nganong karon lang ka nauli?" Gisigahan siya sa mga mata niini.

Nahadlok siya sa gipakita nga kaisog sa iyang live-in partner. Usa ka buotan nga lalaki ang iyang nailhan kang Gary.

"Gary, hubog na ka." Giilog niya ang botelya sa beer nga gikuptan niini.

"Tubaga ko!" Gilabay niini ang botelya sa salog. Gisinghagan siya niini.

"Miuli ko sa probinsiya." Miduko siya. Wala na siyay lain nga nahunahunaan nga way nga dili kini maglagot.

"Bakakon!" Gitukmod siya niini.

Naigo sa may ngilit sa sofa ang iyang lubot. Kahilakon siya sa kasakit.

"Naunsa man ka, Gary?" Mihilak siya. Nakuyawan na siya sa katipon.

"Bakakon ka! Kanus-a pa ka naay laing lalaki, ha?" Gigunitan niini'g maayo ang iyang duha ka mga bukton.

"Nasakitan ko, Gary!" Milugnot siya pero kusgan kaayo ang lalaki.

"Tubaga ko!" Gisinghagan siya niini.

"Wala! Wala koy laing lalaki!"

"Bakakon! Naay nakakita nimo nga migawas sa motel kauban ang usa ka lalaki. Mao ni ang hinungdan nga tagdugay naka makauli, diba?"

"Dili na tinuod!"

"Maluibon!" Gidapog siya niini.

"Husto na!"

"Unsa pay kuwang nako? Gitagbaw ka nako sa kama!" Gigisi niini ang iyang blouse. Gihikap niini ang iyang dughan.

"Gary, husto na!" Mihilak siya ug mihilak. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.