His Sugar baby (2)

Alas tres na sa kadlawon nahuman ang ilang panag-sex ni Gary. Ug gikapoy siya'g maayo nga maoy hinungdan nga naudtuhan siya'g mata.

"Late na sad ko sa mall." Midiritso siya'g sulod sa banyo ug naligo.

Wala na niya naabti pa si Gary. Alas otso ang sulod niini sa trabaho ug alas diyes na siya nakamata.

"Alas diyes ang akong duty. Late na gyud kaayo ko." Nagdali-dali siya'g ilis. Wala na lang siya mamahaw.

Office staff siya sa Grand Mall ug two years na siya sa maong trabaho. Nag-encode siya sa dihang giduol siya ni Hazel, ang iyang co-worker.

"Cara, mag-videoke ta unya kauban nato ang ubang mga staffs."

"Pass lang usa ko this time, Haze. Gikapoy gyud ko'g maayo. Two nights ko nga walay tarong tulog."

"Two nights? Grabe ha, wala gyud ka pakatulga ni Gary? Tan-awa lang gud na ang imong lawas, misamot ka kadaot. Siguro maayo kaayo si Gary mo-drive nimo, no." Gisugsog siya niini.

"Gaga!" Mikatawa na lang siya.

Naghuwat siya nga motawag kaniya si Matt pero mi-out na lang siya sa trabaho, wala siyay tawag nga nadawat gikan sa boyfriend.

"Asa na kaha tong lalakiha?" Milabang siya sa karsada. Mag-grocery usa siya sa mini-mart atbang sa mall.

Milingiw si Cara pagkakita niya sa duha ka mga managpares nga pamilyar kaniya.

"Ako na lang ang molikay." Sa iyang paglingi, nagkasugat ang ilang mga mata ni Matt.

Nagdali-dali siya nga migawas sa mini-mart ug wala na lang siya mipadayon og palit.

"Nauli na sad diay ang iyang asawa." Asoy niya sa hilom.

Mitingog ang message alert tone sa iyang cellphone. Si Matt ang nag-text.

"Honey, next week nata magkita." Gibasa niya ang message.

Gi-teksan niya si Hazel. Mokuyog na lang siya sa iyang mga co-workers.

"Mo-text na lang ko ni Gary nga madugay ko'g uli."

Miinom siya og beer. Gipasagdan na lang niya si Hazel nga magsige'g tagay kaniya.

"Padayon lang mo diha og kanta. Ako diri, mag-inom." Mingisi siya.

Natuyok ang iyang panan-aw sa pagkanaog na niya sa taxi. Nakit-an niya si Gary nga nagbarog sa may gate. Gisugat siya niini.

"Naghuwat pa diay ka nako. Natulog na lang unta ka."

"Ganiha ra ko nagsige'g tawag sa imong cellphone, wala nimo gitubag."

"Saba kaayo sa videokehan. Dili nako madunggan ang pagsige'g tingog sa akong cellphone." Gihagkan niya ang lalaki. Gipadugay niya ang iyang mga halok. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.